Pan ry'ch chi ar y traeth, y peth olaf rydych chi eisiau dod ar ei draws ydi dau ddyn dieithr sydd wir yn edrych yn ddychrynllyd, ond stori am y Pump Prysur yw hon, cofiwch a dydi pethau byth yn hawdd iddyn nhw! Yn un arall o glasuron Enid Blyton, mae bachgen y mae'r pum ffrind yn cwrdd ar y traeth, yn cael ei herwgipio oherwydd arbrawf gwyddonol pwysig ei dad. Diolch byth am ffroenau siarp Twm y ci sydd yn gallu dilyn trywydd y ddau labwst a datrys y dirgelwch. Mae Twm yn aml iawn yn achub y dydd yn y llyfrau adnabyddus hyn a dydi'r gyfrol fach hon ddim yn siomi ni'r darllenwyr. Dyma stori gyffrous arall gan Enid Blyton, un sydd wedi ei haddasu'n hynod o naturiol i'r Gymraeg. Anodd iawn yw credu, gyda'r darluniau newydd sbon, fod y llyfrau hyn dros hanner can mlwydd oed. Mae'r straeon yn mynd ar garlam ac mae pob cymeriad yn dod yn ffrind i ni cyn pen dim. -- Llinos Griffin @ www.gwales.com